ISLAMEAN ALLAH ETA ALLAH-ENGANAKO FEDEA
Allah Ahalguztiduna mundu guztien Jainkoa da. Goraipamen, laudorio, indar, handitasun, gorentasun eta nagusitasun oro Berari dagokio. Zeruan eta lurrean dagoen guztia Berarena da. Gure Jauna indar absolutuaren eta jakinduria infinituaren jabea da. Heriotza eta bizitza sortzen dituena, ondasunak eta aginteak ematen dituena, nahi duena goratzen duena eta nahi duena apaltzen duena Berak da. Sortzen duena eta sortzen jarraitzen duena da. Bizitza ematen duena, elikatzen duena, asetzen duena eta babesten duena Berak da. Bizitzako arlo eta une guztien gainean agintzen, kudeatzen eta zuzentzen duen bakarra da.
Allahenganako fedea da islamaren ohorea lortzeko lehen baldintza. Jainko bakarra dela, ez duela ez parekorik, ez emazterik, ez kidetik sinestea —hau da, teuhida onartzea— fedearen oinarrizko printzipioa da. Ezer ezetik gu sortu gaituen eta dohain ugariz bizitza ematen digun Jainkoak guregan duen eskubiderik handiena da Berarengan sinestea.
Allahenganako fedeak eskatzen du Berak bidalitako Profetari eta Aingeruaren bidez emandako Liburuari jarraitzea, Berak ezarritako mugak onartzea eta arauak betetzea. Fededunak ez du Allahenganako fedea ahoz esaten den hitz hutsean uzten. Aitzitik, fede horrek Jainkoa ezagutzea eskatzen du, bai Koraneko bertsoen bidez, bai Profetaren hadisen bidez, eta bizitza fede horretan oinarritzea ezinbestekoa da. Allahenganako fedeak fededunaren bizitzari zentzua ematen dio, pentsamendu eta erabakiei norabidea ematen die, eta bizi ala bizigabe diren izakiekin dituen harremanei eragiten die. Hori dela eta, fededunaren mihitik ateratzen den eta bihotzean sustraitzen den fedea da lurrean ongiaren bermea.
Allahengan sinesten duen pertsonak bere ekintza guztietan Jainkoaren gogobetetzea bilatzen du. Bere familiaren, senideen, auzokideen eta berekin lan egiten dutenen eskubideak babesten ditu. Bere gain hartzen duen edozein ardura fideltasunez eta konfiantzaz betetzen du.
Allahengan sinesten duenak badaki, ale bat bezain txikia izan arren, on eta gaiztoaren ordaina existitzen dela. Ez du bere betiko bizitza munduko plazerrengatik aldatzen; baizik eta kontu emateko moduko bizitza du, arduratsua eta zuzen bizitakoa.
