Besimi në Librat në Islam dhe Kur’ani i Shenjtë
Në Islam, besimi në librat është një nga parimet e besimit dhe përfaqëson besimin në librat e shenjtë që Allahu e dërgoi si udhëzues për njerëzit. Këta libra u dërguan profetëve nga Allahu për të përcjellë shpalljen e Tij dhe për të udhëzuar njerëzimin në rrugën e drejtë. Sipas Islamit, Tevrati, Zeburi, Injili dhe Kur’ani i Shenjtë janë ndër këta libra. Megjithatë, Kur’ani i Shenjtë është libri i fundit i shenjtë që vërteton dhe përmbush mesazhet e librave të mëparshëm (Bakara, 2/2; Maide, 5/48).
Kur’ani është fjala e Allahut dhe iu zbrit profetit tonë, Hazreti Muhammedit (a.s.) në vitin 610, përmes engjëllit Xhibril. Kur’ani është si një udhëzues për adhurim dhe përmban rregulla morale dhe ligjore për jetën. Kur’ani, që mbart një mesazh të përjetshëm dhe të paepur, është një dritë udhëzimi dërguar të gjithë njerëzimit me premimin nga Allahu për ta mbrojtur atë (Hicr, 15/9). Prandaj, që nga dita kur u zbrit, të gjitha Kuranet janë të njëjta. Besimi në Kur’an nënkupton pranimin e mësimeve të tij dhe përpjekjen për t’i jetuar ato.
